ganz schön....

...SCHWARZ
sind dia letschta paar Täg gsi ;-)))

- 500gr Wulla will verschaffet werda
- an Flohmarkt - Fund
- as Steiherz vo mina Kid's
(mit Olivaöl igriba...)
- dr Computer het nömma möga
- und...dr Kellerboda schwarz Betoniart
(ohni Bild ;-))))))) )

Brun...

...mini Farb vom Tag

Tannzapfa und Holz zum ifüra
feini Brot, frisch usam Ofa
und as paar warmi Amedisli für dia küahla Täg
Danka Barbara...
i liab das Muschter au im neua Herbst!

Toscana 09...

...miar hend a wunderbari Wucha erlebt.
so viel schöni Moment mit ganz bsundara Fründa,
wiessem Strand, karibikblauem Wasser,
Sunna, Spiel & Spass.


...und das ufam Heiweg...

...bitterkalt und Schnee ufam San Bernardino!!!
brrrrr....

d'Badhosa sind packt...

...miar segend Tschüss für
as paar Tag...

( Herbst 2007)

...und gnüssend eifach
d'Sunna und ds'Meer,
dr'Wii, Pasta, Pizza,
üsi Fründa,
dr Sand und Gmeinschaft.

...bis gli ;-))))

Wimmla 09

...bi traumhaft schönem Wetter
(fascht a kli z'warm ;-)) )
hemmer gester gholfa wimmla.

ds Berg...

während dem miar ufam Markt gsi sind,
isch mini Family mit ama flotta Nochbuur ;-)))
uf's Glegg und grad no könna an Jäger
tatkräftig unterstütza.

wenn Träum wohr werdend...

...im Moment wird bi üs ganz fliessig
grechnet, kalkuliart, gmessa, zeichnat...

...an riisiga Umbau nehmend miar in Agriff...

gsehnder dä Ruum ufam 2. Plan?
...ds 2. vo links meini?

und do wo d'Ursina usa gügslat...
das isch üsas Bad.
do hettemer gern a grössers Fenschter
ca. 60 x 200cm

...und do wo ihar das offna Holztor gsehnd...
döt wettemer gern a Glasfront
bis unter ds'Dach.

jetzt wüssender wieso das i nid
ganz so viel dr zua kuma zum schriiba. ;-)))
hebend a kli Geduld mit miar!

Städtlifescht...

...ds'Maiafeld

miar machend mit...

...mitama Stand am Markt
(dr Lada isch denn gschlossa)

Samstig 3. Oktober 09
10.00 - 17.00

Sunntig 4. Oktober 09
11.00 - 17.00

miar freuend üs uf Eura Bsuach

Herzli, Herzli, Herzli...

...an Uftrag für a Taufdeko...

...und do as paar zum Essa ;-)))...

...an kaufta, usgwahlta Kuachateig
mit bruunem Zucker berisla
und mit em Walholz liacht i walla...

...mitama Förmli usstecha
und mit Öpfelschnitzli belega...

...bi 180 ° 18 Minuta bacha.

Sunntigs Kaffee(Tee)-Klatsch...

...isch so schön gmüatlich gsi!
( Öpfelhüfali & dä Kuacha...
...eifach nur mit Hagabuttaconfi)

wünsch Eu allna ganz an guata Start
in dia neu Wucha!

Monde und Jahre vergehen
und sind auf immer vergangen,
aber ein schöner Moment leuchtet
das Leben hindurch.
- Franz Grillparzer -

an hübscha Efeu...

...schmückt üsara Tisch

Das Vergleichen ist das Ende des Glücks
und der Anfang der Unzufriedenheit.
- Soren Kierkegaard -

*********

neui Öffnigsziita am Samstig!

H e r z w e r k

für Baby-Prinza...

und Baby-Prinzessina

...langi Nuggibändel für um da Hals...
so goht kein Nuggi meh verlora ;-)))

i gib miar Müah...

...und probiar fascht jeda Wunsch ds'erfülla...
(Turn/Wäschesäckli...Kordla fehlt nur no)

Das beste Mittel, jeden Tag gut zu beginnen, ist,
beim Erwachen daran zu denken,
ob man nicht wenigstens einem Menschen
an diesem Tage eine Freude machen könne.
- Friedrich Nietzsche -

sit langem...

...wiederamol gstickt...

Was ist Freude und wann ist man froh?
Wenn man sich selbst in Wahrheit gegenwärtig ist.
Dass man ist, heute ist, das ist Freude.
- Soren Kierkegaard -

in voller Pracht...

Schönheit
liegt im Auge des Betrachters.
- deutsche Weisheit -

as feins...

Bluamabrot
gits hüt zum Znacht

( sorry...an alli wo mini Post's vermissend...
üs gohts guat...
liaba dank, dena villna nochfroga ;-))) )


Denke nicht so oft an das, was dir fehlt,
sondern an das, was du hast.
- Mark Aurel -

scho...

...in dr 1. Klass!
sit Gester het au bi üs d'Schual wieder agfanga

Glückspilzli...

...eigentlich han i nu wella
für ganz a bsunders Glückspilzli
öpis kliisas näha...

... drus isch a ganzi Serie entstanda ;-)))
und sie goht no wiiter...
han grad nomol as paar Sächali zugschnitta

rot / wiess kariart...

...as paar Brot/Wandersäckli

...Öpfel-Zückerli

Rezept :
für 16 Stückli

Pizzateig:
500gr Mehl
1/2 EL Salz
1 Päckli Trochahefe
3dl Wasser
1 EL Öl

Füllig:
2 grossi Öpfel fiin grafflet
60 gr Wiiberli / Rosinen
60 gr gmahleni Mandla
1 Ei
3 EL Milch
Saft vo 1 Zitrona
Zimt

ufgangna Pizzateig uswahla und in 16 Stückli schniida
Füllig druf verteila
iwickla wia Zückerli

190 ° 20- 22 min

ganz an feina Znüni/Zvieri
auf für d'Schual

...und no as paar Bildli vo üsem
gestriga Obigspaziargang

Mittelalter...

...Fest 2009 Werdenberg

an Bsuach in dem kliina, schöna
Städtli und im Schloss.
Wunderbar gspiesa hemmer im Rittersaal!

us alter Liina...

...und alta Baumwullazüg,
sind dia Säckli entstanda...
(nur 1 neu's isch dr bi...das mit da Motiv)

het grad guat tua...noch so viel lila ;-)))

Lila Luuna...

...as Päckli, ganz Lila gfüllt goht uf Züri...

...gönd go luaga...im Gwunderfizz
isch dia neu Herbstmoda für Kid's itroffa!

üser täglich Brot...

...mach i "fascht" immer selber...

...geschter han i an richtiga Bachtag gha.
7 verschiedeni Brotsorta sind entstanda...


Brot ist teilbar.
- Manfred Hinrich -

Brot isch au immer a toll's Gschenk...

hellblau...

...sit minam Bsuach im
Blaua Huus
bin i ganz verliabt in hellblau...



...und gester mit poschta...

bin i dera schöna Decki, dena grossa Küssiazüg
und dem feina Tischtuach begegnet...
i has eifach müassa mitneh.
hüt am Morga het's mi denn ganz packt...
und i han grad das schöna Tischtuach
"verschaffet"! ;-)))

...und wenn i so in Himmel luag...

...eifach schön....so hellblau ;-))))

Morgagebet..

das Mail han i hüt am Morga kriagt ;-)))

mol luaga was dr Tag so alles bringt !

Gardasee 2009

... am See

... am Pool

...im Aquapark

...Sirmione

miar hend's sehr gnossa und as het
guat tua, as paar Tag usam Alltag ds'ko.

Petri Heil...

...an ganza Schwarm vo farbiga Fisch
isch miar hüt in's Netz ;-)))

Truubakernfischli, Gerstafischli und
Linsafischli ;-)))

Herzli...

...für an kliina Niccolo,
"Tischkärtli" für sini Taufi

au alli mini...

...Etikettli & Kärtli werdend
S E L B E R G M A C H T ;-)))

ganz dringend han i hüt am Morga
für Nochschub gsorget...
a guat's Zeicha, oder ??? ;-)))

Kinder-Kunst

uf grossem Platz

geschter hend üsi Kind,
ganz spontan üsa Vorplatz verschöneret
und ganz fescht ghofft,
dass in dr Nacht nid regnet.

Rosabrot/brötli...

...as feins Rosaherz...

...Rosabrötli...
für d'Ursina...dr letscht Zviari im Kindi

Rezept:

3dl Milch
1.5 TL Salz
2 EL Rosazucker
1 EL Rosawasser (Apotheke)
60 gr Butter
1 Handvoll tröchneti Duftrosablätter
(fiin schniida)
200 gr dunkels Mehl
300 gr Zopfmehl/Wiessmehl
1 Päckli Trochahefe

*guat kneta, schön ufgohloh
*Brot/Brötli forma
* mit Eigelb bestriecha
*in da kalt Ofa schiaba
30min / 200 °

Duftrosa...

...sind am tröchna...
für Rosabrot, Rosabutter, Rosazucker
Rosasirup, Rosagelee...

i gsehn rot...

:-) :-) :-)

fascht vergessa...

das i Morn Markt han...

Bad-Ragaz
8.30 - 11.00

wia dia Ziit lauft...
hüt in 6 Monat isch Wiahnachta ;-)))

ab und zua...

find i gliich no Ziit,
zum Gschenkli macha.

so viel ds'tua...

...das i fascht nömma zum Blogga kuma...

;-) ;-) ;-)

...as "Bschtell-Buach" han i miar sogar
dörfa zua tua...damit jo kei Uftrag
vergessa goht... ;-)))

...Rosmarie...dini "Buachhülla" isch fertig...
isch ab Morn im Lädali...

...und au das an kliina Uftrag...
bald gschafft ;-)))

******

danka Allna für dia liaba, z. T. besorgta Mails,
as goht üs Allna uuu guat

in'd Berga...

...sind dia Küssi vo miar und
dä traumhaft schön Kaschta
vo minam Papa greist.

Teamwork ...

mit am Papa.
Dä uralt Poppawaga het er liabevoll restauriart
und i han a kliisas bequems Küssi dr zua gnäht.

Herz-Werk

..ab hüt mit kliinam

Herz-Werk-Shop

Lila Lavendel...

...Lavendel Lila

mini erschta Versüach...

... an dr Stickmaschina...
geschter han i miar eini gönnt...
...isch wia Wiahnachta im Juni ;-)))

will i nonid ganz dr Durchblick han
bi all dena tuusiga vo Stickdateia...
han i miar das Freebie abaglada.

het echt sust no öpert Freebies für mi?
...hett uuu freud ;-)))

vorher & nochher

...min Wunsch isch gsi...

sobald's Huus "üs" ghört
(oder besser gseit dr Bank ;-)))) )

...wird Huustüra wiess...

...han i eu no gar nid verrota ;-)))
...sit am 30. april sind miar stolzi Huusbsitzer!

Dis & Das...

...an grossa Schatz vom Flohmarkt...



...gfüllt mit ganz viel Spitza...

...an feina Zviarikuacha...
Danka liabi Allerleirauh für das Rezept

...und a lässig's Game ufam
Minigolf ds'Bad-Ragaz...

Bad Ragartz 2009

ganz spannend und lässig
dr Kunst so noch dsi...

sehr empfehlendswert!
(miar gönd sicher nomol...
hend nämlich no gar nid alles gseh ;-))) )

alli mini Küssi...

...35 x 35 cm gross...
bi miar oder im Lädali erhältlich ;-)))

(dia sind mit ama Wattaküssi gfüatteret...

aber uf Wunsch, kann ich's au mit Arva fülla,

d'Arvaküssi mach i sust 32 x 40cm)

miar selber...

...a kli Ziit gönnt...

endlich isch dr Tisch wiess,
as paar Küssiazüg und a neui Wimpelketti
het's grad au no geh!

vo Kind...

...für Kind...


Flohmarkt
Schualplatz Jenins

am Mittwoch 27.5.2009
13.30 - 16.00

mit feiner Kaffeestuba

dr Erlös goht an as Hilfs - Projekt
für Strossakind uf da Phillippina

miar freuend üs uf ganz viel Bsuach!!!

Sunntig in...

dr Viamala

scho 7...

...geschter worda!!!
wia unglaublich schnell dia Ziit vergoht...

liabi Muus
vo ganzem Herza wünschend miar diar
alles liabi zu dinam 7. Geburtstag.
miar sind ganz fescht stolz uf di
und vergiss nia...
miar hend di uuu fescht gärn!

( sorry für dia schlechta Fötali im Moment...
aber üsa Fotoaparat kunnt glaub langsam in's Alter!!!)

schöni Stöffli...

9.5 m neui Green-Gate-Stöffli
frisch gwäscha, aber nonid glettet ;-)))

dia feina Stöffli kriagender do:

im Seasons