Sonntag, August 31, 2008

"Elfchen" Nr. 5


mmmhhh
as schmeckt
im ganza Huus
us da Bündner-Berga
Arva


liabi Manuela, liaba Gion...danka viiltuusigmol! ;-)

Freitag, August 29, 2008

"Elfchen" Nr. 4


Job
drizehnahalb Johr

(in dr gliicha Firma)
a neua Weg
nömma uf am Bau
Freud



Donnerstag, August 28, 2008

"Elfchen" Nr. 3


hüt
zehn Johr
immer und ewig
strita, lacha, vertraua, kämpfa
EHE

Dienstag, August 26, 2008

"Elfchen" Nr. 2


verspielt
ganz fiin
tüpflet, gstreift, kariart
jeda Tag a Freud
Stöffli

Bluamastruss...

han as "Elfchen" usprobiart:


gelb
lüchtend schön
a fründlichs Gsicht
d' Strahla vor Natur
Sunnabluama


Liabi Barbara, villa herzlicha Dank für
dä wunderschön Bluamastruss...so liab!

Montag, August 25, 2008

Markt

huch, as isch jo scho wieder so wiet! ;-)

dä Donnschtig 28. August
vo 8.30 - 11.00
bin i am Markt ds Bad-Ragaz.
freu mi uf Eura Bsuach!


Dienstag, August 19, 2008

feini Stöffli...

... das wär jetzt dia versprocha
ÜBERRASCHIG! ;-)

feini Stöffli ab sofort in minam
"mini Lädali"

Täscha...


han no a Täschabschtellig gha...
und für eu het's grad au no zwei geh!

Samstag, August 16, 2008

Nochschub...


will dia andara alli scho weg sind
und i no as paar uf Bschtellig
han dörfa macha...

(liabi N. dini 3 sind unterwegs ;-) )
het's grad au no as paar für eu geh.

an feina Tip...


han i bir MANUELA gfunda und
grad müassa usprobiara!
Danka vielmol...isch uuu fein gsi!


Freitag, August 15, 2008

letscht Feriatag...

hüt gnüssemer nomol dr letsch Feriatag
bevor's zrugg in "Alltag" goht.

schnell sind's verganga dia 6 Wucha Feria.
miar hend a lässigi Ziit gha und
freuend üs jetzt uf dia wo kunt...
d'Ursina zellt scho wiavielmol
sie no muass schlofa bis sie endlich wieder
in Kindi dörf! und dr Gian-Andri het
letschtens an Poschtizettel agfanga zämarechna...
s'wird also wieder Ziit.

I möcht mi an dera Stell au amol bi allna
bedanka wo bi miar Sächali bschtellt hend,
für all Euri Afroga und liaba Mail's und Gschenkli!

Ach jo.....an ÜBERRASCHIG...
für Eu...stoht scho fascht vor dr Tür.

As bitsali Geduld no....;-))

Montag, August 11, 2008

Mentig...


d'Kids mit am Neni ds Davos
am Pilzla

...und i mit da Kid's vom
Projuventute Feriapass
am Post-It Büachli baschtla

Husufgababüchlihülla...


...mei isch das as langs Wort! ;-))
passend zum Schualstart...
(miar gnüssend jo no a Wucha Feria...)
han i dia HUBH gnäht!
so machend doch au d'Husufgaba
grad a kli meh Spass ! ;-))

Savognin II


wills so schön isch...

Samstag, August 09, 2008

Ripple Täschli


24 cm breit, 21 cm hoch
mit rosa/wiess-karo gfütteret

Donnerstag, August 07, 2008

Legoland

dia letschta drü Täg simmer in Günzburg gsi.
zwei Tag lang hemmer's Legoland gnossa.
gstunet und vorallem ganz viel glachet!
as isch würklich u lässig und sehr spannend!

geschter hemmer denn no an Tag
am OberriederWeiher verbrocht.


...und Hüt sind mini drü Fischer scho
sit am halbi 6 unterwegs!
Petri Heil!

Savognin

am letschta Sunntig simmer uf d'Savognin
an See ...isch uuu schön gsi !

Samstag, August 02, 2008

1.August 2008

Tropfnass isch alles gsi geschter Obig...
aber fein sind's worda d'Schützazigüner!



und noch as paar Tag ohni Internet...
bin i ab sofort wieder online!
danka für all Euri liaba Mail's...
und Päckli...eis isch ganz a bsundrigs gsi!
das zeig i eu bald