Etui...

...für Farba, Filzstift, Schär, Liem, etc....

wia wärs mit ama herziga Gschenkli
für Schüaler/in, Fründ/in...
(lässig will's mit Briafposcht verschickt werda kann!)
SUMMER - SPEZIAL:
in jedem Etui het's no ganz
a kliini Überraschig dinna :-))

(d'Etuis sind nid gfüateret und kostend 15.00FR.plus Porto)

TaTaTaTa....

...Eröffnig vo minam
"mini-mini" Lädali!

bi üs ufam "obara" Gang han i miar
geschter a kliises Lädali i grichtet.
mit weniga Handgriff kann i us dem alta Käschtli as
Lädali zaubara! ;-))

will immer wieder spontan Lüt vorbi kömmend
und bi miar öpis wend kaufa han i miar öpis müassa
überlegga, damit i dia fertiga Sächali au guat kann zeiga.
freu mi scho uf Eura Bsuach! :-)

an tüpflata Mentig...

hüt han i ganz an tüpflata Mentig...

frisch vom Nähmaschinali:
Tunika (Gr. 98) und s'passenda Kopftüachli
Topflappa und Nodlaküssi
Krimskramssäckli für Allerlei

Sunntig Znacht...

Danka Frau Mumintroll für dä Tip!
I han dem Buach fascht nid könna wiederstoh...
und au grad geschter zum Znacht öpis drus kochet.
Riskuacha (ufam Fötali no nid bacha)
tönt doch so schön...Sunnakuchi...und i kas eu nur empfehla!
as uuu feini Rezept dinna und traumhaft schöni Fötali.

Regawetter...

...Ziit zum Näha...
Nodlaküssi
10cm breit

Bodasee

Hüt simmer in Hard am Bodasee gsi.
Eigentlich hemmer uf da Flohmarkt wella,
aber dä isch wega schlecht Wetter abgseit worda.
Dr`für het's an Spaziargang, an feina Latte und
a wunderbar's Glace geh.
und kum Dahei regnets scho wieder...
was sust....

Kinderfest Laax

geschter ds'Laax am See

ÖPFELRÖSTI...

(ganzi 16 Mail's han i hüt am Morga
im Briafkaschta gha weg dr Öpfelrösti)
drum das für eu:

ÖPFELRÖSTI-REZEPT

gliechviel alts Brot und Öpfel
in Würfeli schnieda in a Ofaform geh
und a bits flüssigi RamaButter druf.
25 - 30 min / 180°
feini Vanillesauca/creme dr zua und
mit Zimtzucker serviara.

AN GUATA! ;-)

öpis Neu's...

d'Kid's sind hüt Nomitag mit
Nani und Neni go Minigolfa...
in dera Ziit han i ikauft und gnäht:
Topflappa

sit drü Täg Rega...

....aber da Kind macht's nüt us...
sie hend ufam Stall a Hütta baua und
schliechend allbot dur's Huus und
suachend no Inventar für Ihri Wohnig...
a Kommoda hend's miar au no "usgrissa"... ;-)
für d'Jasskarta hend's gseit!

...und das isch üsa Zmittag...
Öpfelröschti (isch jetzt im Ofa ;-)
mit selbergmachter Vanillesauca
hend's gwünscht.

will's Spass macht...

no meh Farbspielereia...

das isch echt witzig so uf Farba-Jagd ds'go...
mol luaga was i no so finda!
wer macht no mit?

Farbspielerei...

d'Manuela het zumana Summerfarbspiel ufgruafa...
mini Liablingsfarb....wiiss!

Züri-Zoo

geschter simmer in Zoo uf Züri.
i han mini Kind mit dem Reisli überrascht.
am 7.58 simmer uf's Postauto, denn mitem Zug uf Züri
wo ganz a liabi Family uf üs gwartet het!
gmeinsam simmer denn uf's Trämli 6 und het ganz an tolla,
sunniga Tag erlebt! Danka liabi Flückigers!
am 18.00 simmer denn wieder guat Dahei a ko.

nomol drü...

bi dem Durräga lohts sich's guat näha ;-)

fuula Sunntig...

geschter het's dr ganz Tag nur gregnat.
üsi Männer sind go fischa, d'Ursina het
gspielt und i han a bits gnäht, g'läsa und denn
zum Znacht fein kochet.
Härdöpfelsuppa mit Eierschwämm und Krüter,
Rosabrot, Melonasalat und Truttafilet.

Lätzli...

schnell zeiga bevor alli weg sind! ;-)
geschter han i no bsuach kriagt wo grad
as paar mitgno het....aber as git bald noh meh.
...s'Fabriggli lauft!!!

Verwöhntag...

geschter hemmers üs guat go loh! ;-)
zerscht fein Zmörgelet und denn simmer
do go bada:
AQUANDEER
und am Obig no go chinesisch Essa....mmmmhhhh

Rüfi Malans...

Wandersäckli...

wia versprocha het d'Ursina nomol all
Euri Näma gschüttlat!
D'Anne het gwunna!
Post ist unterwegs zu Diar...
sorry für alli andara...aber "frau"
weiss nia was dr Summer no so bringt! ;-)

an feina Znacht....

han i grad no gmacht.

8.50

am 8.50 isch d'Ursina ufgstanda , 9.10 dr Gian-Andri
und am 10.00 hemmer denn ganz
gmüatlich mitanand Zmörgelat.
Dr hütig Tag hemmer denn in dr Badi ds'Chur verbrocht
und hend au no an Bsuach im Spital bim Damiano gmacht.
so, mol luaga was dr Obig no so bringt! ;-)

7.30

Ziit 7.30
beidi Kid's schlofend no seelig im Zelt dussa.
Sie hend sich für hüt Morga
an Zmorga im Garta gwünscht...
scho fascht alles parat...muass nur no
frischi Gipfeli und Orangasaft hola...

sind Feria nid herrlich?

Badi...

miar hend Badi gnossa bi dem
schöna Wetter! :-)

hach.......

...so viel truurigi Gsichter kann i nid ha!!!
also, wenn Iahr miar an guataGrund schriibend
warum grad Iahr au no so as Säckli verdiant hend....
zücht d'Ursina am Friitig morga nomol as Zettali....

also, viel Glück für das Mol!

d'Gwinneri isch....

frisch us da Fedara het d'Ursina
alli Zettali im Säckli gschüttlat und
Ste
zoga!!! Herzlicha Glückwunsch!

Fotoshooting im Park...

...mit da Minigolfprofis!