Mittwoch, April 30, 2008

Tunika Nr. 2


usama alta Küssiazug

Tunika


d'Ursina brucht dringend no as paar
Summerkleidli.
Us "uralter" Bettwäsch han i das herziga
Oberteil gnäht.
Sniff...d'Bettwäschkleidli vom letschta
Johr sindara alli ds'kli !

Dienstag, April 29, 2008

Heidi

Hüt simmer wieder amol zum HEIDI glaufa

Match

Am Sunntig het dr Gian-Andri
as Unihockeyturniar ds Chur gha.
Mit nur zwei Linia hend sie
super stark gspielt.
Drü Mätch 7:0 , 13:0 , 5:1 gwunna
und eina imana spannanda Duell 4:6 verlora.

Donnerstag, April 24, 2008

Zwei fliessigi Arbeiter...

am Samstig hend i üserem Garta
viar fliessigi Händ gschaffet!

üseri "Terassa" isch fertig worda...
für d' Fötali's bi Sunnaschii müand iahr
eu no kli gedulda ;-)

Freitag, April 18, 2008

Wucharückblick...

Mentig...

Zischtig...


Mittwoch...


Donnschtig...


Montag, April 14, 2008

frisch poschtet...

I hoffa min Grossikauf vo hüt
langi wieder für as Wilali...
obwohl...vo dena Frücht wird's hüt Obig
nömma viel ha...seb bruachend miar
uuu viel......gsund, gsund! ;-)

Zöpfli

d'Ursina schipft zwor "fast" immer
wenn sie muass hera heba zum frisura macha...
am liabschta wür sie nid amol as spängali dri tua.

maitli, maitli...

Samstag, April 12, 2008

Konzert

Hüt Nommitag hend miar a wunderlässigs
Konzert mit em
Andrew Bond
in dr Kircha
ds'Malans dörfa miterleba.
As isch genial guat gsi mit uuu vielna Kind
wo so lässig mitgmacht hend.
Er het üs mit gno uf ganz a bsunderi Reis...

Freitag, April 11, 2008

"Krüter-Schnegg"

Tag 2

so...dr Krüterschnegg isch frisch gfüllt.
Jetzt simmer gspannt ob alles so schön wachst
wia miar üs das wünschend.

miar hend uuu feini Krütli gfunda...
Peterli, Öpfelmelissa, Thymian, Salbei,
Ysop, Currykrut, Oregano, Rauke,
Kamilla...isch glaub kei Krütli...jo nu ;-)
und sust no as paar....han ds'viel kauft
und nid für alli Platz gha im Schnegg.

Min Maa het miar a Holzboda im Garta
versprocha...miar hend nid würklich guats Gras
und d'Möbel gönd kaputt wenn's eifach so
uf dr Erda stönd. Min wunsch wär jo eigentlich...
ganz an "schöna", "wilda" Garta.
Mit vielna Rosa und Krüter, an riesiga Baum
für a Schaukli und für d'Kind zum klettara...

Träum dörf I doch ha........oder?

Klötzli Sack



dä Klötzlisack isch as Gschenkli
für as kliisas Büabli mit em schöna Nama
Silas

Donnerstag, April 10, 2008

"Krüter-Schnegg"

Tag 1

in dr Rüfi hend d'Ursina und I hüt Steina gsammlet um
an schöna Krüter-Schnegg im Garta ds'macha.

Noch dem miar as Plätzli usgsuacht hend, hemmer
ghacket, gjättet und alles wo dr zua ghört.

Denn hemmer dr Schnegg mit all dena
gsammlata Stei gformet.


vo üsera liaba Nochbari hemmer
as paar Stöckli Schnittlauch kriagt und us
üseram Garta han I as paar Minza Ableger usgraba
und im Krüterschnegg wieder ipflanzet.