Donnerstag, Dezember 24, 2009

bald, bald isch Wiahnacht...

...Heiligobig stoht vor dr Tür...


...as klopfet,
klopfet a bi Diar und bi miar.
- Andrew Bond -

Dienstag, Dezember 22, 2009

d'Päckli sind parat...

...und guat versteckt ;-)))...


Die Liebe, mit der ein Geschenk ausgesucht wurde,
kann grössere Bedeutung haben,
als das Geschenk selbst.
- Annette Andersen -

Montag, Dezember 21, 2009

im tüüfa, tüüfa Tannawald...

...hemmer dörfa an Christbaum uslesa


Wenn's kalt wird am Morgen
der Wind durch die Gassen fegt
die Kinder Verse aufsagen
dann haben die Sorgen sich gelegt.

Dann tanzen die Flocken ganz leise
die Kinder träumen vom Weihnachtsbaum
die Nacht scheint klar und weise
dann war es doch kein Traum.


- Monika Minder -

Sonntag, Dezember 20, 2009

Puderzuckerschnee...


Der Schnee von Gestern ist
das Wasser von Morgen.

- Werner Rohrmoser -

Freitag, Dezember 18, 2009

Villa Durchzug...


...bi dena Themperatura
gfrürend sogar d'Fenschter!



Träume sind Eisblumen an den Fenstern der Seele.
- Adolf Reitz -

****************

villa liaba Dank für Euri Unterstützig
Jeda Rappa zellt
alli Brotsäckli sind weg...
und i het 15 Stk könna brucha !!!

Donnerstag, Dezember 17, 2009

Jeda Rappa zellt !


...helfend mit!...


...schenka mit Sinn!

i möcht gern für dia wunderbar Aktion vo

DRS 3 - Jeda Rappa zellt

im Kampf gega Malaria...


...3 vo dena Brotsäckli verkaufa.

*** 28.00FR pro Sack ***

(eifach as Mail oder as SMS )

Danka für's Helfa!

Mittwoch, Dezember 16, 2009

Gschenkli II

...für ganz Liabi wo hüt Geburtstag het...



so Brotsäckli und Liachtli gits au im Herz-Werk

Montag, Dezember 14, 2009

Gschenkli...


...eis um's ander wird langsam fertig...



in dem Johr gits Chuchitüachli mit
frischa Brot


...und Gästetüachli.

dia Tüachli sind au im Herz-Werk erhältlich ;-)))

Freitag, Dezember 04, 2009

kliina Gruass...


...us dr Backstuba...


( Oktober 2000)

...üsara Gross wird hüt scho 11...

Donnerstag, Dezember 03, 2009

d'Adventsziit...


...isch au bi üs ganz still und lislig izoga...


...pünklich und fascht wia bschtellt,
het's dr erscht Schnee geh.


wünsch Eu allna ganz a liabevolli und ruhigi,
besinnlichi und gnussvolli Adventsziit

Montag, November 23, 2009

uspackt...

... abgstaubt...


... und a bit's parat gmacht für dia
baldig Adventsziit.


obwohl...dia Orchidea passt nid würklich, ;-)))
aber sie blüaht so wunderschön!

Dienstag, November 17, 2009

Tilda...

... verleiht Flügel


Montag, November 16, 2009

üsara neu...

..."Keller"
(mit fiina kliina Sächali vor liaba Andrella und
vor liaba Frau Wildreich)


ganz a langi Ziit hemmer dä Keller
nur könna als Abstellrum nutza,
jetzt isch's üsi neu Garderoba.
(und nid wia min Sohn meint a cooli Unihockeyhalla...
"siehe" Fenster!!!
hoppla...ma gsehts gar nid uf da Fötali...zwei Schiiba sind
"dura" gschossa!!! ;-)))))


mit dem neua Beton-Boda hoffemer,
dass d'Füachtigkeit weg isch.


...so duftendi Gschenkahängerli
(gfüllt mitara feina Krütermischig vor liaba Katja)
han i grad as paar gnäht dia letschta Täg...
...Wiahnachta kunnt mit riesa Schritt ;-)))



Donnerstag, November 05, 2009

ganz schön....

...SCHWARZ
sind dia letschta paar Täg gsi ;-)))


- 500gr Wulla will verschaffet werda
- an Flohmarkt - Fund
- as Steiherz vo mina Kid's
(mit Olivaöl igriba...)
- dr Computer het nömma möga
- und...dr Kellerboda schwarz Betoniart
(ohni Bild ;-))))))) )



Dienstag, Oktober 20, 2009

Brun...

...mini Farb vom Tag

Tannzapfa und Holz zum ifüra
feini Brot, frisch usam Ofa
und as paar warmi Amedisli für dia küahla Täg

Danka Barbara...
i liab das Muschter au im neua Herbst!

Montag, Oktober 19, 2009

Toscana 09...


...miar hend a wunderbari Wucha erlebt.
so viel schöni Moment mit ganz bsundara Fründa,
wiessem Strand, karibikblauem Wasser,
Sunna, Spiel & Spass.



...und das ufam Heiweg...


...bitterkalt und Schnee ufam San Bernardino!!!
brrrrr....

Freitag, Oktober 09, 2009

d'Badhosa sind packt...


...miar segend Tschüss für
as paar Tag...


( Herbst 2007)

...und gnüssend eifach
d'Sunna und ds'Meer,
dr'Wii, Pasta, Pizza,
üsi Fründa,
dr Sand und Gmeinschaft.



...bis gli ;-))))

Donnerstag, Oktober 08, 2009

Wimmla 09


...bi traumhaft schönem Wetter

(fascht a kli z'warm ;-)) )
hemmer gester gholfa wimmla.

Montag, Oktober 05, 2009

ds Berg...


während dem miar ufam Markt gsi sind,
isch mini Family mit ama flotta Nochbuur ;-)))
uf's Glegg und grad no könna an Jäger
tatkräftig unterstütza.



Donnerstag, Oktober 01, 2009

wenn Träum wohr werdend...


...im Moment wird bi üs ganz fliessig
grechnet, kalkuliart, gmessa, zeichnat...



...an riisiga Umbau nehmend miar in Agriff...

gsehnder dä Ruum ufam 2. Plan?
...ds 2. vo links meini?




und do wo d'Ursina usa gügslat...
das isch üsas Bad.
do hettemer gern a grössers Fenschter
ca. 60 x 200cm



...und do wo ihar das offna Holztor gsehnd...
döt wettemer gern a Glasfront
bis unter ds'Dach.


jetzt wüssender wieso das i nid
ganz so viel dr zua kuma zum schriiba. ;-)))
hebend a kli Geduld mit miar!

Montag, September 28, 2009

Städtlifescht...


...ds'Maiafeld

miar machend mit...

...mitama Stand am Markt
(dr Lada isch denn gschlossa)

Samstig 3. Oktober 09
10.00 - 17.00

Sunntig 4. Oktober 09
11.00 - 17.00

miar freuend üs uf Eura Bsuach

Dienstag, September 15, 2009

Herzli, Herzli, Herzli...

...an Uftrag für a Taufdeko...


...und do as paar zum Essa ;-)))...


...an kaufta, usgwahlta Kuachateig
mit bruunem Zucker berisla
und mit em Walholz liacht i walla...



...mitama Förmli usstecha
und mit Öpfelschnitzli belega...



...bi 180 ° 18 Minuta bacha.

Montag, September 14, 2009

Sunntigs Kaffee(Tee)-Klatsch...

...isch so schön gmüatlich gsi!
( Öpfelhüfali & dä Kuacha...
...eifach nur mit Hagabuttaconfi)


wünsch Eu allna ganz an guata Start
in dia neu Wucha!




Monde und Jahre vergehen
und sind auf immer vergangen,
aber ein schöner Moment leuchtet
das Leben hindurch.

- Franz Grillparzer -

Donnerstag, September 10, 2009

an hübscha Efeu...


...schmückt üsara Tisch



Das Vergleichen ist das Ende des Glücks
und der Anfang der Unzufriedenheit.

- Soren Kierkegaard -

*********

neui Öffnigsziita am Samstig!

H e r z w e r k

Mittwoch, September 09, 2009

für Baby-Prinza...

und Baby-Prinzessina


...langi Nuggibändel für um da Hals...
so goht kein Nuggi meh verlora ;-)))

Freitag, September 04, 2009

i gib miar Müah...

...und probiar fascht jeda Wunsch ds'erfülla...
(Turn/Wäschesäckli...Kordla fehlt nur no)



Das beste Mittel, jeden Tag gut zu beginnen, ist,
beim Erwachen daran zu denken,
ob man nicht wenigstens einem Menschen
an diesem Tage eine Freude machen könne.

- Friedrich Nietzsche -

Mittwoch, September 02, 2009

sit langem...

...wiederamol gstickt...



Was ist Freude und wann ist man froh?
Wenn man sich selbst in Wahrheit gegenwärtig ist.
Dass man ist, heute ist, das ist Freude.

- Soren Kierkegaard -

Dienstag, September 01, 2009

in voller Pracht...


Schönheit
liegt im Auge des Betrachters.
- deutsche Weisheit -

Montag, August 31, 2009

as feins...

Bluamabrot
gits hüt zum Znacht


( sorry...an alli wo mini Post's vermissend...
üs gohts guat...
liaba dank, dena villna nochfroga ;-))) )


Denke nicht so oft an das, was dir fehlt,
sondern an das, was du hast.

- Mark Aurel -

Dienstag, August 18, 2009

scho...


...in dr 1. Klass!
sit Gester het au bi üs d'Schual wieder agfanga

Montag, August 10, 2009

Glückspilzli...


...eigentlich han i nu wella
für ganz a bsunders Glückspilzli
öpis kliisas näha...


... drus isch a ganzi Serie entstanda ;-)))
und sie goht no wiiter...
han grad nomol as paar Sächali zugschnitta

Sonntag, August 09, 2009

rot / wiess kariart...


...as paar Brot/Wandersäckli



...Öpfel-Zückerli

Rezept :
für 16 Stückli

Pizzateig:
500gr Mehl
1/2 EL Salz
1 Päckli Trochahefe
3dl Wasser
1 EL Öl

Füllig:
2 grossi Öpfel fiin grafflet
60 gr Wiiberli / Rosinen
60 gr gmahleni Mandla
1 Ei
3 EL Milch
Saft vo 1 Zitrona
Zimt

ufgangna Pizzateig uswahla und in 16 Stückli schniida
Füllig druf verteila
iwickla wia Zückerli

190 ° 20- 22 min

ganz an feina Znüni/Zvieri
auf für d'Schual


...und no as paar Bildli vo üsem
gestriga Obigspaziargang

Samstag, August 08, 2009

Mittelalter...


...Fest 2009 Werdenberg


an Bsuach in dem kliina, schöna
Städtli und im Schloss.
Wunderbar gspiesa hemmer im Rittersaal!


us alter Liina...



...und alta Baumwullazüg,
sind dia Säckli entstanda...
(nur 1 neu's isch dr bi...das mit da Motiv)

het grad guat tua...noch so viel lila ;-)))

Freitag, August 07, 2009

Lila Luuna...


...as Päckli, ganz Lila gfüllt goht uf Züri...

...gönd go luaga...im Gwunderfizz
isch dia neu Herbstmoda für Kid's itroffa!