rot und wiess...

...isch dia letschta Täg worda...
as het wieder Wander/Gschenksäckli,
Wimpel (liabi Annette...as isch unterwegs!)
und ganz viel neui Küssi
mit ganz frischer Arva
(danka gion & manuela )

Spaziargang...

d'Balu und i.
über Nacht isch's scho ganz viel
Schnee wegtaut...

an Blick usam Stubafenschter...

...wünsch eu allna ganz an schöna Tag...

i lohn dä Markt vo hüt am Morga
in Bad-Ragaz us...bin no gar nid
Wiahnachtsmarktlich parat!
(Blacha, Lampa...etc.)
i bitta ganz fescht um Verständnis.
Ihar dörfend mi aber gärn au
Dahei ko go Bsuacha...
"s'Lädali" im Keller isch a bits igrichtet.

Alpenglück...

...und min 300 Post!!!

als kliisas Dankeschön für all dia liaba
Kontakt wo entstanda sind
verlos i drü kliini Sächali us
dera Alpenglückseria.

schriibend miar doch eifach an
Kommentar oder as E-Mail.
"Isendeschluss" isch am Sunntigobig. ;-)

Willkomma...

...liabi Winterziit!
d'Täg werdend kürzer, d'Öbig länger.
wia gärn han i sie..dia Ziit!

Hüt...

...isch d'Ursina
zerschta Mol mitam Papa uf's Glegghorn

Wimmla

dr 3. Tag und dr letscht...

d'Ursina entwicklet sich zunara
tolla Fotagrafin!
dia Fötali sind alli vo ihra

Markt...

am Donnschtig 30. Oktober 08
9.00 - 11.00
bin i ds'Bad-Ragaz
am Handwerkermarkt

Vormerka ;-)

22./23. November 2008
15.00 - 20.00 / 10.00 - 17.00
Wiahnachtsmarkt Bad-Ragaz

13. Dezember 2008
12.00 - 20.00
Wiahnachtsmarkt Vaduz

freu mi uf jeda Bsuach!

Wimmla II

s'Ursina het gföttalat...
i het's vergessa!

Wimmla 2008

TAG 1

bi wunderbarem Herbstwetter
hemmer hüt gwimmlat!

an kliina...

...Rückblick uf dia letscht drü Täg..

am Friitig händ miar ganz überraschend an
wunderwunderschöna Struss kriagt!
Liabi Braun's...danka vielmol!

... am Samstig hemmer's gmüatlich gha dahei
und bim Blättersammla...


...Pizza zum Zmittag und zum Znacht
simmer zu chinesisch iglada gsi...mhhh


...und hüt hemmer an schöna Spaziargang
uf Malans gmacht dur da Buachwald...

jupiduu...

...und tralala!
danka viel tuusig mol für's duuma drucka,
(bruchender as Pflästerli ?)
dia liaba e-mails und sms!
iahr sind schätz!
miar hend vor bank a mündlichi
zuasag überko und freuend üs riesig!
(sibylle...für da huuskauf...as usbaua
dörfemer no gar nid denka ;-)) )
miar hoffend dass alles jetzt no kli
vorwärts goht und miar bis
wiahnachta hüslibsitzer sind!

Inna...

...so gseht's bi üs dinna us...
ganzi 14 e-mails geschter obig hend das wella wüssa ;-)

Baujohr 1750
Gross-Renovation 2004
hend miar alles selber gmacht...
nur s'Elektrischa nid.
Heizig: nur Holz, für Kuchi und Stuba.
miar würdend gern no kli meh macha...
as gebt no an grossa Stall und an schöna
Estrich zum usbaua.
vorallem für üsi Kid's...am Gian-Andri
si's Zimmer isch ganzi 6m2 gross!
so, i hoffa i heg eura Gwunder a kli
könna stilla...und sust kömmend doch
eifach zum a Schümli-Kafi ;-) oder
heissa Tee...gell Anita ;-)

für as Baby...

...wo no im Buch isch... ;-)
liabi Tamara, liabi Schwendimänner
miar wünschend Eu vo ganzem Herza alles
liabi für dia Ziit vor Geburt, vom in Arm neh,
ins Herz schlüssa, vom Gnüssa und Freua,
vom Hai neh und Iläba.
Danka für Euri Fründschaft

üsers...

...Traumhüsli...
am Donnschtig hemmer as
Gspröch uf dr Bank.
Duckend üs doch ganz fescht Duuma!

öpis Neu's...

fascht täglich kriag ich E-Mails
mit dr Frog: hesch öpis Neu's?

Drum do für Eu:
Backblechhendscha
ideal für d'Guazliziit oder als Gschenkli ;-)

reini Baumwulla und dick wattiart

üsa Sunntig...

herrlich sunnig und warm isch gsi
ufam Maiafelderrossried.
Ganz ifrig isch gwettet worda...

und no kli meh...

Schweda bi üs Dahei!

12m...

...feini Stöffli han i hüt poschtet!

Herbstfest 2008

schön isch's gsi...ds'Herbstfest Jenins 2008!
danka allna liaba Lüüt für dia villa Bsüach
und dia überraschende Fotana!
selber hemmer's nid gschafft
uf an Dorfrundgang und drum
han i leider au nid meh zum zeiga.

Steine auf dem Küchenbord...

us dem wunderbara Büachli:

Kinder sollten mehr spielen, als viele es heutzutage tun.
Denn wenn man genügend spielt, solange man klein ist,
dann trägt man Schätze mit sich herum,
aus denen man später ein Leben lang schöpfen kann.
Dann weiss man, was es heisst, in sich eine warme Welt zu haben,
die einem Kraft gibt, wenn das Leben schwer wird.

wünsch allna mina liaba Blogbsuacher an
schöna Sunntig!

bsunderi Stei...

uf am Kuchitisch

eigentlich han i gar kei Ziit für "anders" als Stoff...
aber dia Täg het's mi gluschtat zum
wiederamol mini Filzsacha füra ds'neh...
was as us dena vielna bsundara Stei git,
zeig i eu bald.

kömmend doch au...

nur no wenig Täg,
denn isch'as so wiet!

JENINSER-HERBSTFEST
2008

miar freuend üs uf ganz viel Bsuacher!

Spaziargang...

hüt han ich's endlich wiederamol gschafft
dass beidi Kids mit ko sind go laufa...

allerliabscht...

hüt han i ganz a herzigs Päckli übercho...

das allerliabschta Stöffli isch dina gsi!

Liabi Doris
bin ganz grühart und wett diar vo Herza
danka säga! As freut mi uuu fescht dass
i Di han dörfa kenna lerna und freu mi
scho uf no ganz viel schöni Moment!

Markt...

dä Donnschtig bin i wieder
am Markt ds'Bad-Ragaz
vom 8.30 - 11.00
freu mi uf Eu!

(hallo liabi frau jenny...
falls Sie nomol ina luagend...
s'päckli isch bereits unterweg zu ihna!)

Danka...

...Frau WILDREICH ...

i has sehr gnossa! ;-))

in da letschta Täg...

sind as paar neui Sächali für Eu entstanda...

"grossi" Arvaküssi in neua Farbkombinationa...

Cap's für Mami und Kind...
inna gfüatteret mit feina Stöffli

Arvaherzli...

und passend zum Herbst...
Tilda-Öpfeli

"Arva-Elfench" Nr. 6

weich
beruhigt, entspannt
as schmeckt fein
an tüüfa gsunda Schlof
Arvaküssi

s'Fuater gfüllt mit feina Arvaspähn
Azug wäschbar
klii: 30cm x 26cm
gross: 30cm x 36cm

Gürtel...

...iahr entdeckend aber au alles ;-))

danka vielmol für dia villa liaba Afroga
für Sächali bi da Marktfötali...
also, do dia versprochna Gurtfötali
as het Längana vo 65 - 77 cm
(eifach dr "Umfang" bi da Kid's messa plus 12cm )

Markt Impressiona

villa liaba Dank allna Bsuacher...
und speziell dena wo extra wega mina Sächali ko sind...
het mi uuu gfreut eu kenna ds'lerna!

Negschta Markt
Samstig 20. September 2008
9.30 - 16.00
Schofmarkt Sargans

Markt

Ziit lauft...

dä Samstig 6. September 2008
vo 9.30 - 16.00
bin i ds' OBERRIET
am Kreativ-Markt

freu mi uf Eura Bsuach! ;-)

"Elfchen" Nr. 5

mmmhhh
as schmeckt
im ganza Huus
us da Bündner-Berga
Arva

liabi Manuela, liaba Gion...danka viiltuusigmol! ;-)

"Elfchen" Nr. 4

Job
drizehnahalb Johr
(in dr gliicha Firma)
a neua Weg
nömma uf am Bau
Freud

"Elfchen" Nr. 3

hüt
zehn Johr
immer und ewig
strita, lacha, vertraua, kämpfa
EHE

"Elfchen" Nr. 2

verspielt
ganz fiin
tüpflet, gstreift, kariart
jeda Tag a Freud
Stöffli

Bluamastruss...

han as "Elfchen" usprobiart:

gelb
lüchtend schön
a fründlichs Gsicht
d' Strahla vor Natur
Sunnabluama

Liabi Barbara, villa herzlicha Dank für
dä wunderschön Bluamastruss...so liab!

Markt

huch, as isch jo scho wieder so wiet! ;-)

dä Donnschtig 28. August
vo 8.30 - 11.00
bin i am Markt ds Bad-Ragaz.
freu mi uf Eura Bsuach!

feini Stöffli...

... das wär jetzt dia versprocha

ÜBERRASCHIG! ;-)

feini Stöffli ab sofort in minam
"mini Lädali"

Täscha...

han no a Täschabschtellig gha...
und für eu het's grad au no zwei geh!