Samstag, Dezember 06, 2008

6. Türli...

Im Wald, do stoht as Hüsli
im Wald, do stönd viel Bäum
uf eimal tönt as Glöggli
dr Samiklaus kunnt hei.

Er chunnt vo vielna Kinder
er chunnt vo mengem Huus
sin Sack isch leer vom schenka
und d'Öpfel, dia sind dus.

Im Tannawald isch's finschter
im Tannawald het's Schnee
und alli Sterna lüchtend
es isch Advent, juhee!

-Ursina's Kindergartasprüchli-

...üser's allerliabschta Samiklausbuach...

stand uuf, Sibeschlööfer
de Samichlaus isch da!

-Eleonore Schmid/Nord-Süd Verlag-

7 Kommentare:

einzig-ART-iges hat gesagt…

Danke fürs Sprüchli - Ich finds ganz herzig! Und es schöns Foti hesch igstellt;o) Alles chunnt amel so stimmigsvoll deher!

En happy Clause day au Dir und Diner family!

Herzlich
Bea

nicki hat gesagt…

carla. das isch es liedli, wo unseri scho im MuKi-turne glernt hänn. so schön ;0)
en schöne samichlaus wünsch ich euch!

Barbara von Alpenschick hat gesagt…

Was haben wir dieses Buch mit unseren Kindern angeschaut und alle paar Jahre begegnet uns wieder mal ein Siebenschläfer. Bei den Grosseltern, wenn er neben dem Fenster Trauben vom Stock stibitzt. Oder letztes Jahr im Tessin auf den Balken der Pergola.
Heute könnten wir das Buch doch auch mal wieder hervornehmen. Liebe Grüsse
Barbara

bea's welt hat gesagt…

A wunderschöns Sprüchli Ursina, gfallt mer sehr guat und i brucha das grad hüt für mis Adventskalender-Büachli, wenn i darf!!

Liebi Grüass an Alli

Bea

Zimi hat gesagt…

Äs wunderbars Sprüchli! Mir sind geschter go dä Klaus bsuechä i sim Hüüsli. Isch total schön gsi! Mir händ dörfä uf sis Bett sitzä, er hät üs ä Gschicht verzellt und dänn hätt dä Schmutzli üs no en feinä Punsch kochät. Samiklaus mir chömät gärä nächschts Johr wieder :-) Wünschä üch allnä en tollä Klaustag Simone

Vitahus hat gesagt…

Au das Buech find ich au uh lässsig! Dä Samichlaus isch id dä Waldspielgruppe vo dä Milena uf Bsuech cho, und hett genau das Gschichti vom Sibeschlöfer verzehlt. Es isch uh schön gsi!
Wünsche Eu en schöne Chlaustag...
LG conni

Alchemilla hat gesagt…

Liäbi Carla, das Buech het üs letscht Jahr d'Muki-Leiterin im Turne verzellt und d'Gschicht mit üs nah-turnet! Es isch allerliäbscht. Es schöns Chlaus-Wuchäend und liäbi Grüäss, Marianne