Freitag, August 15, 2008

letscht Feriatag...

hüt gnüssemer nomol dr letsch Feriatag
bevor's zrugg in "Alltag" goht.

schnell sind's verganga dia 6 Wucha Feria.
miar hend a lässigi Ziit gha und
freuend üs jetzt uf dia wo kunt...
d'Ursina zellt scho wiavielmol
sie no muass schlofa bis sie endlich wieder
in Kindi dörf! und dr Gian-Andri het
letschtens an Poschtizettel agfanga zämarechna...
s'wird also wieder Ziit.

I möcht mi an dera Stell au amol bi allna
bedanka wo bi miar Sächali bschtellt hend,
für all Euri Afroga und liaba Mail's und Gschenkli!

Ach jo.....an ÜBERRASCHIG...
für Eu...stoht scho fascht vor dr Tür.

As bitsali Geduld no....;-))

5 Kommentare:

"fabuscreativ" hat gesagt…

Jo gell Carla,s isch en lässigi Ziit d Ferie.Aber denn isch`s au wider guet dass dr *Normali*Alltag wider chunnt uns s Läbe *greglet* chan verlaufe.
I wünsche eu en gaaanz tolle Aafang und en schöne letschte Reschtä.
Ah,du machs jo wider spannend....i liebe *Surprise*!!!;-)))))
GabiB.

Magneta hat gesagt…

mer händ scho gli di erschti Wuche hinder eus brocht, aber mer bruched wohl no chli Ziit bis mer is dra gwöhnt händ... isch halt scho e huufe neus!

Euch wünsch i ganz en guete Start in alltag zrugg... händ euch sorg :-)

Liebi Grüess
Gaby

nicki hat gesagt…

huhu carla
mir hänn au scho fascht die ersti wuche hindr uns!...
gniesset dr räschte ferie no! ;0)

...bin gschbannt, uf die überraschig.
liebe gruess
nicki

sabina hat gesagt…

Du machsch mich ja ganz gwunderig...:-) Ich bin eigentlich ganz zfride demit, dass de Alltag wieder da isch, es isch zwar nochli ungwohnt mit 3 neue Stundeplän, bis mer das wieder alles dine hätt ;-) D' Ferie sind total läss gsi, aber irgendwänn isch es halt wieder verbii...

Ganz en guete Start am Mäntig und no e gueti Ziit!!

Liebi Grüessli Sabina

bea's welt hat gesagt…

Danka Carla, dass du üs häsch a Dina Feria teilnäh!!! Es isch spannend gsi. Wünscha Eu a ganz a guata Start am Mäntig, toi toi toi!!!

Und a Bestellig hätti au no, muess grad no luaga!!!

Grüassli

Bea